Enciclopedia temática ilustrada 16: Os Transportes (Adela Leiro) G: Nosa Terra

Dende o transcendental invento da roda, as rotas viarias terrestres viron modificar os medios de transporte que as cruzaban: de porteos animais, padiolas, cargas animais, rastras ou corzas, zorras ou trenós e mochilas ata carros (con xugos de cangallas, bregueiros ou molidas), automóbiles (camións, coches, motos, autobuses, os URO santiagueses), bicicletas, tranvías e ferrocarrís. As melloras posteriores (nas pontes, con poldras, arcos de pedra, trabes, arcos, colgantes, de cabos, de contrapeso ou basculantes; nos túneles; nos pasadoiros) permitiron o salto a novos territorios, complementando os dos transportes acuáticos (fluviais e marítimos, que recollen o 92% do comercio mundial), modernas (de pesca, comerciais ou de pasaxeiros) ou tradicionais (dornas, gamelas, traíñas, traiñeiras, racús, lanchas, botes, bucetas, trincacos, traiñóns, galeóns) e non superados en prestacións ata hai moi pouco polos aparellos voadores (avións, avionetas, hidroavións, planadores, ultralixeiros, reactores, helicópteros, autoxiros, dirixíbeis, globos, papaventos, ás delta e paracaídas) e espaciais (foguetes), que non foron quen aínda de rematar coas nosas tradicións (refráns, adiviñas, cantares, contos e enredos). Todo iso está perfectamente relatado polo tomo 16 da colección ''Enciclopedia Temática Ilustrada'' da editorial A Nosa Terra.