Cocinar en la mar (Lola Jansana) SD edicions

A cociña do inverno pertence a unha serie de cinco volumes sobre o receitario estacional da cociña galega, escritos por Pepe Iglesias, gastrónomo de recoñecido prestixio.Este é un libro esencialmente práctico e útil na cociña, que parte dun tratamento rigoroso da historia dos nosos alimentos e da cociña tradicional, e que vén recuperar para a modernidade sabores intimamente ligados ós nosos fogóns. É a cociña dos sabores, dos arrecendos. A nova cociña. A cociña estacional, a que nace dos productos de tempada. E este é o libro do inverno. O tempo do marisco, do cocido, do Nadal, do Entroido, das filloas e as orellas de frade.Pepe Iglesias investiga as posibilidades da cociña galega moderna en pratos coma o caldo de peregrinos, as filloas de ameixas e allos porros, as lentellas con mexillóns, a robaliza ó zaballón de ourizos de mar, o ganso con nabos, o polo de curral encebolado, as filloas de sangue flamexadas con anís de chiles ou as orellas de entroido con mel de rosas.